понедельник, 2 декабря 2019 г.

Կրոն: Բուդիզմ

Բուդդայական ուսմունքի համաձայն՝ նրա հիմնադիրը իր գործունեությունն իրականացրել է Հինդուստան ենթացամաքի հյուսիսային մասում գտնվող Մագադհա թագավորությունում՝ մ.թ.ա. 6-4-րդ դարերն ընկած հատվածում: Նա հայտնի է որպես լուսավորյալ կամ պայծառափայլ անձնավորություն, ով իր կյանքը նվիրել է մարդկանց օգնելուն և մարդասիրական գաղափարները տարածելուն։ Բուդդայականության երկու հիմնական ճյուղերն են Թհերավադան («ավագների դպրոց»), որը հանդիսանում է հնագույն և ուղղափառ բուդդայականությունը և Մահայանան («մեծ մարտակառք»), որն առաջացել է ավելի ուշ։ Թհերավադան լայնորեն տարածված է Շրի Լանկայում և Հարավարևելյան Ասիայում (Կամբոջա, Լաոս, Թայլանդ, Մյանմա և այլն), Մահայանան՝ Արևելյան Ասիայում (Չինաստան, Կորեա, Ճապոնիա, Վիետնամ, Սինգապուր, Թայվան և այլն)։ Ի տարբերություն քրիստոնեության և իսլամի, այստեղ բացակայում է աստծո առաջնաստեղծ էությունը, բացակայում է հոգու անմահության գաղափարը, դժոխքի և դրախտի գոյությունը։ Ճշմարիտ ուղի անցնելուց հետո մարդը ձեռք է բերում անխռով հոգեվիճակ՝ նիրվանա, որին կարելի է հասնել մեդիտացիայի (ինքնախորասուզում) միջոցով։ Մահայանան յուրահատուկ զարգացում ստացավ Տիբեթում և կոչվեց Տիբեթական բուդդիզմ, իսկ Ճապոնիայում տարածվեց բուդդիզմի Զեն (ձեն, չինարեն չան) տարատեսակը։ Ըստ Բուդդայի, տառապանքների ակունքը ծնունդն է, քանի որ մարդն անընդհատ վերածնվում է։ Մահից հետո նրա հոգին կարծես լքում է մարմինը, ինչպես իր հին զգեստը կամ վերարկուն և վերաբնակվում է մեկ այլ մարմնի մեջ։ Այստեղ կարևոր է կարմայի գաղափարը։ Կարմա նշանակում է գործ, այսինքն թե մարդը իր կյանքի ընթացքում ինչ դրական կամ բացասական արարքներ է գործել։ Եթե նրա կարման դրական է, ապա հաջորդ կյանքում նա կվերածնվի իբրև հարուստ, երջանիկ, առողջ, իսկ եթե բացասական է, ապա՝ միջատ, որևէ կենդանի կամ նույնիսկ առարկա։ Այստեղ շեշտվում է մարդու անհատական վարքագիծը և ի տարբերություն Հնդկաստանի փիլիսոփայական այլ դպրոցների, որոնք շեշտում էին ֆատալիզմը (ճակատագրապաշտությունը), բուդդիզմը կարևորում է վոլյունտարիզմի սկզբունքը։

вторник, 5 ноября 2019 г.

11.05.2019

Ընտրիր ռուսերեն առակներից կամ անգլերեն նորություններից մեկը (կամ ինքդ ընտրիր՝ որ լեզվից և որտեղից), թարգմանիր՝ պահելով հայերենին հատուկ կառույցները, բառապաշարը։

вторник, 8 октября 2019 г.

10.08.2019

Կարդացի 2014թ. լրատվական նյութերից մեկը, որի վերնագիրն էր՝ «Երևան» ոսկե հուշամեդալ՝ Մխիթար Սեբաստացի կրթահամալիրին: Տարեվերջյան ցուցահանդեսին կրթահամալիրը պարգևատրում է լավագույն աշակերտին և ուսուցչին: գրված է, որ նույն օրը՝ 2014թ. դեկտեմբերի 17-ին, 2014թ. քաղաքապետ Տարոն Մարգարյանի գլխավոր խորհրդական Վանո Վարդանյանը ծանոթացել է ,,Մխիթար Սեբաստացի,, կրթահամալիրի հեղինակային նախագծերին և հետագա անելիքներին: Ինչպես նաև Կրթահամալիրը 25 ամյակի և կրթական ոլորտում նոր նվաճումների համար պարգևատրվել է ,,Երևան,, ոսկե հուշամեդալով: 

среда, 2 октября 2019 г.

02.10.2019

Ակուտագավա ,,Թավուտում,,
  • Պատմվածքից տպավորությունների գրառում։

Պատմվածքը կարդալով, արդեն տեսնում էի այդ տեսարանները: Այն շատ հետաքրքիր էր, ընթերցողին պահում է լարվածության մեջ: Կարդացի և կարող եմ ասել, թե ով էր ստում և ինչու: Ստում էր աղջիկը: Ստում էր, քանի որ ուզում էր անպատիվ չթվալ: Ստում էր նաև ավազակը՝ Տանձյոմարան, ստում էր, որովհետև չէր ցանկանում իր հեղինակությունը գցել: Ըստ իս տղամարդը ինքնասպան եղավ, քանի որ նրա կայքնը րոպեների ընթացքում փուլ էր եկել, կինը ցանկանում էր լքել իրեն, հանցագործը ստորացրեց իրեն՝ պատվազրկելով կնոջը: Այսքանը ընթերցածիս մասին:

вторник, 10 сентября 2019 г.

10.09.2019

Ինչ սովորեցի լեզուների և լեզվաընտանիքների մասին:

Հնդեվրոպական լեզվաընտանիքն ամենատարածվածն է աշխարհում: Լեզվակիրների թիվը հասնում է 2,5 միլլիարդի: Հնդեվրոպական լեզուները ավելի վաղ կոչվում էին ,,Արիական,, լեզուներ, սակայն հիմա այդ տերմինը չի օգտագործվում: Հնդեվրոպական լեզվաընտանիքը ամենաուսումնասիրվածն ու ամենաբազմալեզուն է:
Հայերենը հնդեվրոպական լեզվաընտանիքի առանձին ճյուղ է: Հայերենի զարգացումը բաժանվում է երեք շրջանի՝ հին հայերեն (գրաբար), միջին հայերեն(կիլիկյան) և աշխարհաբար, որն էլ իր հերթին երկու ճյուղ ունի՝ արևմտահայերեն և արևելահայերեն: 

среда, 4 сентября 2019 г.

04.09.2019

Ազատության չափը դպրոցում. ստիպե՞լ, թե չստիպել սովորել

Տարբեր դպրոցներում ազատությունը տարբեր քանակությամբ է տրված: Օրինակ ,,Մխիթար Սեբաստացի,, կրթահամալիրում, որտեղ սովորում եմ ես, ազատությունը չափից ավելի է տրված: Օրինակ՝ աշակերտները կարողանում են հեշտ դուրս գալ դպրոցից, որը ես համարում եմ սխալ: Եթե աշակերտը եկել է դպրոց սովորելու, ուրեմն նա չպետք է շեղվի այլ բաներով: Իսկ ինչը վերաբերվում է ստիպել, թե չստիպելուն, ես մտածում եմ, որ ստիպելը ճիշտ է, քանի որ անչափահաս աշակերտներին դասավանդում են չափահաս և կյանքի փորձ ունեցող ուսուցիչները, իսկ անչափահասներից ոչ բոլորն են հասկանում, որ իրենց ապագայի կերտումը սկսվում է հենց դպրոցում, լավ սովորելուց: Այսքանն էր իմ կարծիքը այս թեմայի վերաբերյալ:  


вторник, 3 сентября 2019 г.

03.09.2019

Կարծիքս ուսումնական պլանի վերաբերյալ

Ուսումնասիրեցի նոր ուս. տարվա ուսումնական պլանը: Անցյալ տարիների համեմատ շատ բան է փոխվել ինձ համար: Հիմա արդեն ես կարող եմ ընտրել, թե ինչ դասերի մասնակցեմ: Նաև կարող եմ որոշել, թե որ ուսուցչի մոտ սովորեմ տվյալ առարկան: Բացի այդ ավելացել է պարտադիր ռազմամարզական ճամփորդություն: Ըստ իս սա առավել ևս կարևոր է տղաների համար, քանի որ մենք կսովորենք նոր բաներ, որոնք մեզ պետք են գալու բանակում: Նաև ես կարող եմ ընտրել իմ մասնագիտությունը, որին վերաբերվող առարկաները սովորականից ավել եմ սովորելու: